Harita,...
Akhir rayagung
Kuring kumpul jeung manehna
Di tanah panjalu anu asri tur suci
Harita...
Kuring miang, aya mancen nukudu direngsekeun
Ka dieu, ka tanah Jiran deui
Kuring janji, isuk pageto pasti balik ka tanah Panjalu
Ieu janji hate kuring keur manehna, jeung tanah anu endah
Harita...
Kuring seja kebengbat ku alam situ lengkong anu waluya
Kuring teu nyangka, tanah Panjalu bakal nyugemakeun rahayatna
Ayeuna
Kuring sono ka manehna, ka tanah Panjalu anu bagja
Teuing kudu kumaha, ngubaran ieu hate
Rayagung geus indit tina kalenderna
Bulan nu sejen gagantina
Sono jeung deudeuh ka manehna
Kuring simpen dina hate leutik nu teu bisa diusik
Boh ku angin, ku hujan, ku panasna panon poe
Ngan bisa dianterkeun ku doa anu tulus tina hate
Ayeuna
Hate kuring keur sono
Sono ka tanahna
Sono kanu mibandana
Sono kanu ngahunina
Sono kanu ngajagana
(Sintok-Kedah Malaysia 27 Feb, 2009)
